9 ka barangay sa Oton apektado sang ASF

ILOILO — Siyam na ka kabarangayan sa Oton ang apektado sang African Swine Fever (ASF).

Base sa data sang Iloilo Provincial Government, ang mga barangay nga nakasulod sa one-kilometer radius halin sa ground zero ang Brgy. Bita Norte; Bita Sur; Cabolo-an Norte; Cabolo-an Norte; Santa Monica; Abilay Norte; Tagbac Norte; Galang kag Buray.

Ginpahayag ni Governor Arthur Defensor, Jr. nga padayon ang ila surveillance sa guwa sang 1km radius kun may magpositibo nga mga baboy agud gilayon nga i-contaminate ang area.

Gindugang niya nga nagalapad ang quarantine area bangud sa madasig nga contact tracing sa mga baboy nga nagabatyag sang sintomas sang ASF.

Sa kabug-usan may 58 na ka mga baboy ang infected sa ASF sa Oton sa diin 27 ka mga hog raisers ang apektado sa sulod sang quarantine area.