Iloilo City i-ban ang pagpasulod sang baboy halin sa San Miguel, Iloilo bangud sang ASF
ILOILO CITY – Indi makasulod sa siyudad ang mga baboy halin sa San Miguel, Iloilo kasunod sang na-record nga kaso sang African Swine Fever (ASF) sa banwa.
Ini ang ginpahibalo ni Mayor Jerry Treñas.
Suno sa alkalde, mapaguwa siya sang Executive Order angut sa temporaryo nga pag-ban sang pork products halin sa San Miguel.
Una na nga ginkumpirmar ni San Miguel Mayor Marina Luz Gorriceta nga na-record ang apat ka kaso sang ASF sa banwa.
Sang nagligad nga semana, gin-ban man sang siyudad ang mga baboy halin sa Oton sa diin una gin-report ang kaso sang ASF.
