Taga-Tigbauan, Iloilo nga graduate sa UP Manila, topnotcher sa 2022 Physician Licensure Exam; Graduate sang WVSU nakasulod man sa Top 10

Naggpanguna sa October 2022 Physician Licensure Examination (PLE) ukon Physician board exam si Justin Adriel Zent Gautier Togonon nga tumandok sang Tigbauan, Iloilo.

Nag-graduate si Togonon sa University of the Philippines-Manila, apang nag-graduate siya sang High School sa Philippine Science High School sa Iloilo City.

Nakakuha si Togonon sang 89.00 nga rating.

Nakasulod man sa Top 10 ang graduate sang West Visayas State University-La Paz nga Mark Arlo Hernandez Segundo.

Nagtupa sa ikalima nga pwesto si Segundo nga may 87.58 rating.

Suno sa PRC, 3,826 sa 5,958 ukon 64.22% ang madinalag-on nga nakapasar sa pasinawan.