Maduagon nga performance sang mga tribu sa Dinagyang ILOmination masaksihan sa Enero 21

ILOILO CITY – Masaksihan ang maduagon nga performance sang pito ka mga tribu nga mapaindis-indis sa Dinagyang ILOmination competition sa Enero 21, las-seis sa gab-i.

“This event will showcase the gleaming and colorful performances of various tribes in their brightly lit costumes that will surely illuminate the night sky,” suno sa Iloilo City Government.

Ginatiglawas sang mga competing groups ang pito ka distrito sa syudad.

Hiwaton ang Dinagyang ILOmination sa tatlo ka judging areas – SM City Iloilo, Atria, kag Megaworld sa Mandurriao.

Mahimo nga makabakal sang tickets sa Hotel Del Rio, Richmonde Hotel, Seda Hotel Iloilo, kag iban pa nga partner hotels.