82 ka portalets gin-install sa City Proper para sa Dinagyang 2023

ILOILO CITY – Naglab-ut sa 82 ka mga portalets ang gin-install sang Iloilo City Government sa city proper para sa Dinagyang Festival 2023.

Suno kay Engr. Neil Ravena, head sang City Environment and Natural Resources (CENRO), 70 ginbutang sa magkatuhay nga lugar sa city proper ilabe na sa venue sang Food Festival agud may ihi-an ang mga Ilonggos kag mga pangayaw. May 12 man ka mga portalets nga ginbutang sa mga judging areas para sa highlight sang Dinagyang.

Gin-aku ni Ravena nga mas madamo ang portalets subong nga Dinagyang kumparar sa mga tinalikdan nga selebrasyon agud malikawan ang pagpangihi sang mga tawo bisan diin lang.

Gin-athag man niya nga libre nga magamit ang mga portalets.