P4.7 million kahalitan sang sunog sa 2 ka barangay sa Molo
ILOILO CITY — Naglab-ut sa P4.7 million ang kahalitan sang sunog sa Brgy. West Habog-habog kag San Juan Molo, kahapon sang kaagahon, Enero 28.
Inu suno kay Senior Fire Officer 1 Jake Ronald Solis, Arson investigator sang Bureau of Fire Protection (BFP) Iloilo City.
Suno sa iya, nag-umpisa ang kalayo sa balay nga ginapanag-iyahan ni certain Robert sang Brgy. West Habog-habog, Molo nga human sa light materials kag madasig nga naglaton sa iban nga pamalay.
Ginpabutyag ni Solis nga nabudlayan nga makasulod ang mga bombero sa San Juan tungod madamo sang obstructions sa karsada kasubong sang mga trisikad nga naka-park.
Duha lang ka magagmay nga firetrucks ang nakasulod sa West Habog-habog suno kay Solis tungod sang madamo nga naka-park nga salakyan kag trisikad sa magtimbang nga karsada, kag may mga gamit na sang mga nasunugan.
266 ka balay ang totally damaged kag 17 ang partially damaged sa duha ka barangays suno kay Solis. Sa amo nga numero, 197 ka balay ang nasunog sa West Habog-habog kag 86 sa San Juan.
Sa imbestigasyon sang BFP, posible short circuit ukon overloading ang ginhalinan sang sunog.
