Senior citizen patay sang ginbuno sa Arevalo
ILOILO CITY — Napatay sa ospital ang 63-anyos nga lalaki sang ginbuno sa Zone 15, Calaparan, Arevalo las 11:00 kagab-i, Pebrero 20.
May pilas sa nagkalain-lain nga parte sang iya lawas si Joebert Bodiola sang ginbuno ni Mark Losana, 35-anyos.
Suno kay Captain Resty Labasteda, hepe sang Arevalo Police, naga-inom sang makahulubog nga ilimnon ang suspek sa kilid sang dalan sang nagpabati-bati siya sang naglabay ang biktima.
May nagluntad nga pagbinaisay tubtob naglakat ang biktima pero ginsunod sang suspek kag ginbuno sang makapila ka beses.
Nagpalagyo ang suspek pero gilayon man nadakpan.
Wala na-recover ang kutsilyo nga gingamit sa pagbuno sa biktima.
