ICPO OIC PCOL Joeresty Coronica ginatawag nga ‘Epal’ sang secretary general sang Bayan Panay tungod wala sila ginpasugtan nga maghimo sang protest march; Coronica nagdepensa nga LGU ang nagahatag sang permit sa rally

ILOILO CITY — “Epal” ang pagkabig ni Bayan Panay Secretary General Elmer Forro kay Iloilo City Police Officer-in-charge PCOL Joeresty Coronica.

Ini tungod wala ginhatagan sang pahanugot ang pila ka mga rogressive groups” nga magmartsa halin sa University of the Philippines Visayas – Iloilo City campus tubtob sa atubangan sang Iloilo Provincial Capitol para sa anibersaryo sang EDSA People Power Revolution kahapon, Pebrero 24.

Suno kay Forro, nakabaton siya sang sulat halin kay Coronica nga nagapamatok sang rally tungod makatuga ini sang “eminent danger” kag gintumod nga makatuga sang pagpugok sa trapiko

Ginpabutyag ni Forro nga wala sang otoridad si Coronica nga mag-disapprove sang ila permit.

Nag-ayo naman ang mga kabataan nga nagpasakop sa rally nga malakat na lang sila sang matawhay bisan nga wala sang placards apang wala sa gihapon ginpahanugutan.

‘WALA GAPA-PAPEL’

Nanindugan naman si Coronica nga wala siya nagapa-papel sa siyudad.

Suno kay Coronica wala naga-issue sang permit para sa rally ang ICPO kundi ang City Government.

Dugang niya, wala man sila sang mahimo kundi mag-deploy sang police KUN may permit ang rally halin sa City Government. –via Angel Mae Ciudad