Taga-Brgy. Cadilang, Passi City labing una nga nakabaton sang P100,000 incentive sang LGU para sa mga centenarians

PASSI CITY, Iloilo — Labing-una nga ginhatagan sang P100,000 nga cash incentive halin sa Passi City Government ang Passinhon centenarian sa Brgy. Cadilang.

Personal nga ginhatag ni Passi City Mayor Atty. Stephen A. Palmares, ang incentive kay Marta Palmares Cabusbusan.

Suno kay Palmares, P30,000 lang sang una ang ginhatag sang Passi City LGU sa mga Passinhon centenarians bilang bulig apang subong nga tuig gin-umpisahan nila ang paghatag sang P100,000 kag si Cabusbusan ang labing-una nga benepisyaryo sini.

Magluwas sa cash incentive halin sa Passi City LGU, magahatag man ang national government sang P100,000 kay Cabusbusan kag letter of Felicitation sa idalum sang Republic Act 10868 [Centenarians Act of 2016].

Makabaton man si Cabusbusan sang P20,000 halin sa Iloilo Provincial Government.

Si Cabusbusan ang nagselebrar sang ika-100 nga kaadlawan kahapon, Pebrero 24. –via Justice Savvanah Pamplona