18-anyos nga lalaki dakup sa drug buy bust operation sa Tigbauan

ILOILO – Nakuhaan sang 11 sachets sang suspected shabu nga nagabug-at sang 3 grams ang 18-anyos nga lalaki sa drug buy bust operation sa Brgy. Buyuan Tigbauan las-9:40 kagab-i, Pebrero 25.

Ginkilala ang subject kay John Paul Teje, residente sang Brgy. Poblacion 2 sang nasambit nga banwa.

Suno kay PCapt. Mary Jane Panes, hepe sang Tigbauan Municipal Police Station, masobra isa ka bulan nga gin-monitor si Teje antes gin-conduct ang operasyon.

Runner si Teje sang isa ka drug personality sa Tigbauan suno pa sa pulis.

Gin-ako man sang subject nga nagabaligya kag nagagamit siya sang ilegal nga druga.

P20,400 ang market value sang illegal drugs nga na-recover sa subject.

Ginatinguhaan pa sang Aksyon Radyo Iloilo News team nga kuhaan sang pahayag si Teje.