1 pa sa 3 ka suspek sang pagpanghold-up sa J&T Express sa Jaro ginhingadlan sang police

ILOILO — Ginhingadlan ni PCOL Joeresty Coronica, OIC sang Iloilo City Police Office, ang isa pa sa tatlo ka mga suspects sa pagpang-hold-up sa mga personnel sang J&T Express sa Jaro sang Marso 1 sang gab-i.

Gintumod ni Coronica si Marlon Edemburgo, 30-anyos sang Barangay Benedicto, Jaro.

Suno kay Coronica, nadakpan man sadto si Edemburgo sa kaso nga attempted robbery.

At-large sa gihapon si Edemburgo.

Kahapon sang aga, nadakpan sa Leganes ang isa sa mga suspects nga si John Mark Lebuna, 22-anyos sang San Isidro, Jaro. Ginapanginwala ni Lebuna ang kahilabtanan sa pagpanghold-up.

Magluwas kay Lebuna kag Edemburgo, ginpabutyag ni Coronica nga menor-de-edad ang isa pa ka suspect nga padayon ginapangita sang kapulisan. –via Angel Mae Ciudad

Indi pa matumod sang pulis kun sin-o sa mga suspek ang nagmaneho sang motorsiklo kag kun ano ang ila koneksyon sa isa kag isa.