3 sachets sang suspected shabu nakuha sa suspek sa pagpanghold-up sa Jaro

ILOILO CITY – May nakuha nga suspected shabu kay John Mark Lebuna, isa sa mga suspects nga naghold-up sa mga personnel sang J&T Express sa Quintin Salas, Jaro sang Marso 1 sang gab-i.

Ginkumpirmar ni Police Captain Lester Oliveros, officer-in-charge sang Jaro Police Station, nga tatlo ka sachets sang suspected nga shabu ang na-recover kay Lebuna sang nadakpan siya sa Brgy. Guinobatan, Leganes kahapon sang aga, Marso 3.

Ginpaidalom na sa drug test si Lebuna nga preso subong sa Jaro Police Station.

Ginatinguhaan pa sang Aksyon Radyo Iloilo nga makuhaan sang pahayag si Lebuna may kaangtanan sa nakuha nga suspected shabu sa iya.

Samtang, napadayon ang follow-up operation sang Jaro police para madakpan si Marlon Edemburgo kag ma-rescue ang 17-anyos nga solterito nga lunsay ginatudlo kaupod ni Lebuna nga nagpanghold-up. –via Angel Mae Ciudad