Magulang patay sang ginbuno sang manghod sa Santa Barbara
ILOILO — Patay si alyas Elvin, 48-anyos sang Barangay Lupa, Santa Barbara, sang ginbuno sang iya manghod nga si Ivan, 38-anyos.
Suno kay Police Major Rey Palawan, hepe sang Sta. Barbara Police Station, daan nga hiligut-anon ang rason sang krimen nga natabu pasado las-nueve Sabado sang gab-i.
May 12 ka pilas sa lawas ang magulang rason sang iya kamatayon.
Nagpalagyo naman ang suspetsado.
