Tungod sa pagpangimon, lalaki ginbuno sang ex-BF sang iya nobya

ILOILO CITY — Napilasan si John Mark Garcia, 20-anyos sang ginbuno ni Charlie Dela Cruz, 27-anyos sa Barangay San Juan, Molo kahapon, Marso 20.

Suno kay Police Captain Benjie Decin, hepe sang Molo Police Station, nagapamubod sang manok si Garcia sang nag-abot ang suspek kag ginbuno siya. Naglikaw pa ang biktima pero naigu siya sa agtang.

Pagpangimon suno kay Decin ang ginasunod nga anggulo sang Molo police tungod karelasyon subong sang biktima ang anay nobya sang suspetsado.

“Sa pagpangusisa ni sang aton nga imbestigador ang ila kuno nga wala pag-intindihanay amo ang selos. Bali ang ex-girlfriend sini sang suspek amo na kuno ang miga-miga na sang biktima kag didto nag-selos ang suspek kag amo ina nga gin-attempt niya nga bun-on ang biktima,” suno kay Decin.

Nagapabilin naman nga at-large si Dela Cruz.