Masobra 10k-day tourists na-record sa Bucari, Leon sang Holy Week

ILOILO — Naka-record sang masobra 10,000 ka day-visitors ang Bucari, Leon sang Holy Week.

Ginpahayag ni Ms. Ma. Annaliza Camago, tourism officer sang Leon,nga mas mataas ang amo nga numero kun ikumparar sa na-record nga 7,000 nga pre-pandemic tourist arrivals sang 2019.

Magluwas sa pag-camping sa Bucari Pine Forest upod, mahimo man nga makabisita sa Way of the Cross kag magbakal sang mga preska nga utan kag prutas.

Ginapaabot nga madamo pa nga mga turista ang mapadulong sa lugar tubtob sa Mayo suno kay Camago.

Masami nga ginadagsa sang mga local kag foreign tourists kun tig-ilinit ang Bucari nga ginakabig nga “Little Baguio of Iloilo.” — with reports from Radyo Pilipinas Iloilo