NGCP nagpasalig nga himuon ang tanan agud matumod ang lapnagon nga power interruption sa Panay

Ginpabutyag sang National Grid Corporation of the Philippines (NGCP) nga nahibaluan nila ang gin-antos sang mga consumers kag negosyo sa probinsiya kag syudad sa Panay island tungod sa power interruptions.

Sa Facebook post, ginpasalig sang NGCP nga gina-ubra nila ang tanan agud madeterminar ang gintunaan sang pag-trip off, kag makahatag sang solusyon agud mabalik kag mangin estable ang power supply.

Bisan pa nakumpirmar sang NGCP nga naga-function sang ensakto ang ila sistem base sa ila pag-assess, padayon gihapon nila nga ginahibalo ang posibilidad nga i-adjust ang supply chain agud ma-stabilize ang power sa Panay.

Wala naga-untat ang NGCP sa pagtrabaho upod sa ila mga counterparts sa generation kag distribution sectors agud mapatuman ang kinahanglan nga adjustments sa protection settings, kag masolbar ang issue.

Nagpasalig ang NGCP nga padayon nga magahatag sang updates sa mga stakeholders kag sa publiko sa rason sang power outage.