Iloilo 2nd District Rep. Michael Gorriceta mabulig sa pagpangita sang pondo para sa pagpakay-o sang Ungka Flyover

ILOILO – Nagpasalig si 2nd District Congressman Michael Gorriceta nga mabulig sa pagpangita sang pondo sa pagpakay-o sang Ungka Flyover.

Suno sa kongresista posible nga makuhaan sang budget nga kinahanglan ang mga “unappropriated savings” sang General Appropriation Act (GAA).

Hingyuon man ni Gorriceta ang mga Ilonggo representatives sa Kamara nga i-tag bilang “urgent” ang kinahanglanon nga pondo.

Una nga nagpaguwa sang statement si Engr. Adam Abinales sang Abinales Associates Engineers + Consultants, ang third party consultant nga ginbaydan sang masobra P13 million sang DPWH agud mag-imbestigar sa pag-usmod sang flyover, nga nagakinahanglan sang indi magnubo P250 million sa pagkay-o sang Ungka Flyover.