Mangunguma patay sang nakuryente sa Santa Barbara

ILOILO — Patay ang 54-anyos nga mangunguma sang nakuryente sa Brgy. Miraga-Guibuangan, Sta. Barbara las-3 kahapon, Agosto 2.

Ginkilala ni Police Master Sergeant Francis Guaro, imbestigador sang Sta Barbara Municipal Police Station ang napatay kay Jose Ronie Gil sang amo man nga barangay.

Sa imbestigasyon sang police, naglawig sang kanding si Gil sa bakante nga lote antes siya nakit-an sang mga residente nga nagahigda na kag naga-uyat ang iya nga kamot sa live wire.

Ginhingagaw pa dala sa ospital si Gil pero gindeklarar nga dead-on-arrival, suno sa police.

Ginpabutyag sang police nga mabalik pa sila sa lugar kag hibaluon kun sin-o ang may salabton sa insidente.