Tag-iya sang bodega kag baligyaan sang peke nga cutting disc sang grinder ginserbehan sang search warrant

ILOILO CITY – Sinako nga peke nga cutting disc sang grinder ang na-recover sang mga personnel sang Iloilo City Police Office (ICPO) sang ginserbehan sang search warrant ang tag-iya sang duha ka establisemento kag bodega sa Ledesma Street, City Proper.

Suno kay ICPO Director Police Colonel Joeresty Coronica, una nga nagreklamo ang Tailin nga ginpeke ang ila produkto kag ginabaligya.

Tungod sini, nag-implementar sang search warrant ang kapulisan sa bodega kag baligyaan sang Sentak Marketing sa diin na-recover ang mga peke nga cutting disc. May isa pa ka establisemento nga gin-operate ang kapulisan.

Nagapadayon pa ang imbentaryo sang mga kapulisan sa mga recoveries.