3 lakip ang nag-AWOL nga miyembro sang Phil. Army gindakup sang CIDG tungod sa pagbaligya sang armas sa Dumangas
ILOILO — Tatlo ang nadakpan lakip na ang nag-AWOL nga miyembro sang Philippine Army sa entrapment operation sang Criminal Investigation and Detection Group (CIDG)-Iloilo sa Brgy. Dacutan, Dumangas tungod sa pagbaligya sang armas las-2 kahapon sang hapon, Oktubre 27
Suno kay CIDG Iloilo Provincial Head Police Lieutenant Colonel Julius Jacinto, na-recover sa ila ang isa ka M16 rifle, isa ka magazine, isa ka 45 caliber pistol, duha ka magazine, mga armas halin pa sa Cebu, apat ka cellphone nga ginagamit sa illegal nga transaction, P82,000 buy bust money, kag gin-confiscate man ang refrigerant truck nga ginakargahan sang karne.
Ginpahayag ni Jacinto nga ginpalab-ut lang sa ila ang impormasyon nga nagabaligya sang armas ang anay army rason nga gin-monitor nila tubtob nadakpan.
Ginrason sang anay army suno kay Jacinto nga ginahimo ini niya agud maka-income.
Halin pa sa Cebu ang mga armas kag gina-ulayhon sa delivery sang karne.
