“Unidentified” nga lalaki nga napatay sa aksidente sa Hamtic, Antique nakilala na

Na-identify na ang lalaki nga may tattoo nga isa sa mga napatay sang nahulog ang Ceres bus sa pil-as sa Brgy. Igbucagay, Hamtic, Antique sang Martes sang hapon, Disyembre 5.

Ginkilala siya kay Jessie Javellana nga utod ni Fritzie nga isa man sa mga napatay kag una nga na-identify.

Suno kay Police Master Sergeant Oliver Villanueva, imbestigador sang Hamtic Municipal Police Station nakilala si Javellana sang nagkadto ang ila pamilya sa morgue.

Kaupod sang mag-utod nga napatay si Jomarie Alcala nga bana ni Frtizie kag ila bata nga si Zairon nga isa ka tuig ang edad.

Upod pa gid nila ang Indian national nga si Federica Singh nga lakip man sa mga napatay.

Suno sa tiyo nga si Alberto, taga-Baguingin, Tigbauan gid ang iya hinablos apang sa South Cotabato na nagatenir tungod didto nakapangasawa.

Nagbakasyon lang sa Iloilo ang magpamilya kag makadto pa gid tani sa Antique sang na-aksidente.