Overspeeding ginalantaw sang DPWH nga rason sang pagkahulog sang Ceres bus sa pil-as sa Hamtic, Antique

Over-speeding ang ginatan-aw nga rason sang Department of Public Works and Highways (DPWH) Antique District Engineering Office rason nga naguba ang concrete barrier kag guard rail nga ila ginbutang sang nabungguan sang Ceres bus sang Martes, suno kay OIC District Engineer De Bernadeth Betsy Uy.

“Meron kaming inin-stall na concrete barrier maybe i-upgrade [namin],” suno kay Uy.

Ginpahayag niya nga may 30 km/hour nga maximum speed limit nga ginpahamtang sa likuon nga karsada sa Brgy. Igbucagay, Hamtic, Antique.

Ginapanan-aw nga mangin lihok sang District Engineering Office nga i-upgrade ang concrete barrier kasubong sang pagpataas sini.

Ginbuyagyag ni Uy nga standard quality ang gin-install nga concrete barrier nga makapugong sa pagkahulog sang mga salakyan sa pil-as. May mga ginpahatamtang man nga safety device sa lugar.

“Tiningnan po namin siya, standard po ang [concrete barrier] base sa plan… Okay naman po ang aming design, regarding naman po sa safety devices na na-install natin it’s adequate naman po,” pahayag pa ni Uy.

Base sa datos sang DPWH-Antique DEO, may 1,000 ang average nga kadamuon sang mga salakyan nga nagalabay sa amo nga karsada kag manubo ang rate sang aksidente.