Van nga gin-escortan ang duha ka pulis nga gulpi nagpadulog sa mga nagalabay sa traffic lights sa San Rafael, Mandurriao, wala sakay nga VIP
Wala sang sakay nga VIP ang van nga gin-escortan sang duha ka pulis nga ginhalinan sang pagkarambola sang tatlo ka salakyan sa traffic lights sa San Rafael, Iloilo sang Disyembre 4.
Ini base sa reliable source sang Aksyon Radyo Iloilo.
Sa panaysayon sang driver sang taxi nga na-interview sang news team, halin sa direksyon sang Infante kag pakadto sa Ungka, Jaro ang convoy sang VIP sang gulpi lang sila ginpapondo. Suno sa taxi driver, naka-go ang traffic light sa ila lane, samtang stop naman sa lane sang convoy.
Base naman sa CCTV footage nga nakuha sang Aksyon Radyo, halin sa Police Regional Office 6 ang duha ka vans kag duha ka escort nga pulis kag pakadto sa Iloilo International Airport para magsugat kay PRO 6 Director, PBGEN Sidney Villaflor.
