Pito ka graduates sang WVSU nakasulod sa Top 10 sang 2023 Licensure Examination for Teachers
Pito ka mga Ilonggo ang nakasulod sa top 10 sang Licensure Examination for Teachers subong nga tuig.
Duha diri ang nalakip sa mga top notchers sa secondary level kag lima naman sa elementary level.
Lunsay mga graduate sang West Visayas State University La Paz campus ang duha ka mga nalakip sa top 10 sa secondary level nga sanday Tedric Dave Senosa nga yara sa ika-apat nga pwesto kag nakakuha sang 94% rating kag Yancy Aubrey Panugon nga yara naman sa ika-10 nga pwesto kag may 92.80% nga rating.
Graduate man sang WVSU ang apat ka mga nakasulod sa top 10 sa elementary level.
Yara sa ika-pito nga pwesto si Shiela Marie Delgado sang Himamaylan Campus nga may 93.20% rating; Ika-siyam naman sanday Agape Marie Baguna sang La Paz campus kag Jeriel Grace Mabulay sang Himamaylan campus nga lunsay nakakuha sang 92.80% nga rating.
Ika-10 nga pwesto naman sanday Krystal Joy Cuello sang La Paz campus kag Reena Anjellah Tabera nga nakakuha naman sang 92.60% rating.
Magluwas sa mga taga-WVSU, sulod man sa top 10 kag yara sa ika-walo nga pwesto si Carol Ann Awitan sang Iloilo State University of Fisheries Science and Technology Dumangas campus nga may 93.00% rating.
