Kapierdihan sang mga negosyo sa Iloilo City tungod sa power outage nagalab-ut sa P400-P500M kada adlaw — Mayor Jerry Treñas
Nagalab-ut sa P400 tubtob P500 million kada-adlaw ang kapierdihan sang mga negosyo sa Iloilo City tungod sang power outage sugod kahapon, Enero 2.
Ini suno kay Mayor Jerry Treñas base sa pag-isip sang Local Economic Development & Investment
Suno sa alkalde, “LEDIP is making a rough calculation of the losses that we have and that is P400-500million everyday and if you count three days that’s P1.5 billion.”
Una na nga ginpabutyag sang LEDIP nga tuman nga naapektuhan sang power outage ang normal operations sang mga negosyo sa syudad, nagsablag sa ila productivity kag inconvenience sa mga residente.
Nagpadala man sang sulat sa alkalde ang Philippine Chamber of Commerce & Industry – Iloilo Chapter kag nagpabutyag sang kahandaan sa collaboration, shared commitment sa pagpangita sang solusyon sa problema sa power supply.
