IFFI nagpaathag sa nangin resulta sang Dinagyang Tribes Competition
ILOILO CITY — Nagpa-athag ang Iloilo Festival Foundation, Inc. makaligad ginpanglawag ang resulta sa Dinagyang Tribes Competition sang Dinagyang Festival 2024.
Suno kay IFFI Executive Director Joyce Clavecillas, ginbase sa judging sang mga judges ang resulta sang Tribes Competition. Pero gin-athag niya nga may mga guidelines man sa competition nga hugot nga ginpatuman.
“Ang aton competition has guidelines nga gin-follow sang aton tribes. Every competition, we make sure ng ini nga guidelines are applied sa tagsa ka performance,” suno kay Clavecillas.
Wala sang may na-disqualify suno kay Clavecillas, pero may deduction sa overall score sang pila ka tribu nga wala nakasunod sa guidelines.
Ginhimo ni Clavecillas ang pa-athag pagkatapos wala nalawagan ang Tribu Silak sang Iloilo City National High School sa major awards bisan pa nakuha nila ang Best in Performance kag Best in Choreography awards.
