Masobra tunga sa milyon nga balor sang suspected shabu na-recover sa drug buy bust operation sa La Paz
ILOILO— Masobra tunga sa milyon ka pesos nga balor sang suspected shabu ukon P544,00 ang na-recover sa drug buy bust operation sa Zone 2, Brgy. Rizal, La Paz kahapon, Pebrero 7.
Subject sang operasyon kanday Rogie Argamaso alyas Odong, 46-anyos; Roel Reymundo alyas Ryan, 37-anyos; kag Michael Sta Ana alyas Bayani, 32-anyos nga lunsay HVI kag residente sang amo man nga lugar.
Nadakpan man si Arnel Revera, 25-anyos nga SLI kag resident sang amo man nga barangay.
Suno kay Police Lt Colonel Antonio Benitez Jr, head sang City Drug Enforcement Unit (CDEU), isa ka bulan nila nga gin-monitor ang mga subject tubtob nga nahimo ang operasyon.
Kun indi kilala sang apat ang ila katransaksyon, ginasaylo nila sa iban nga lugar ang transaksyon pero kun personal nila nga kilala, sa balay mismo nagakatabo ang baklanay, suno sa police.
Kaina, pulo ka dalagko nga sachets sang suspected shabu nga nagabug-at sang 80grams ang nakuha sa ila, suno kay Benitez.
Nakita man sa area ang mga empty plastic sachets kag nga drug paraphernalia gani ginapatihan sang police nga nagagamit man sila sang illegal drugs.
Nakaagi na presu sa kaso may kaangtanan sa illegal drugs kanday Argamaso kag Reymundo; kaso nga theft si Bayani; samtang wala naman nakaagi presu si Revera.
Sa subong, gina-verify pa sang police ang source sang illegal drugs.
