Lalaki nga naglabay sa checkpoint sa Estancia nakuhaan sang suspected shabu, balisong

ILOILO— Nakuhaan sang 15 grams nga suspected shabu ang 28-anyos nga lalaki nga naglabay sa checkpoint sa Brgy. Cano-an, Estancia la-1 kahapon sang kaagahon, Pebrero 7.

Suno kay Police Captain Hector Ayagan, hepe sang Estancia Municipal Police Station, gin-flag down sang police nga naga-conduct sang checkpoint si alyas Boyboy nga padulong kun tani sa Balasan.

Ginpahayag ni Captain Ayagan nga ma-u turn pa kun tani pabalik ang driver pero nabalabagan sang mga police.

Nanotisyaran sang police wala sang plaka ang motorsiklo kag wala man sang may ipakita nga lisensya ang driver sang ginapangitaan.

Nakita man sang police nga may apat ka sachets sang suspected shabu sa iya ubox sang motorsiklo nga may estimated market value nga P102,000, duha ka balisong nga sukbit, kag tooter para sa shabu.