Pusil, granada na-recover sa lalaki nga ginserbihan sang search warrant sa Lambunao

ILOILO– Nakuhaan sang .45 caliber pistol, hand grenade, magazines, kag mga bala ang 54-anyos nga lalaki sa Brgy. Quiling, Lambunao sang ginserbihan sang search warrant kahapon, Pebrero 10.

Ginhimo ang operasyon sang 602nd Company RMFB6 upod ang Lambunao police batok kay alyas Gilbert.

Suno kay PRO 6 Regional Director PBGen Sidney Villaflor, ang pag-aresto sang mga indibidwal nga naga-violate sang pagsulundan sa firearms ang isa sa mga lihok agud mangin safe ang komunidad.

“We acknowledge the unwavering efforts of police officers in combating criminality,” dugang ni Villaflor.