Owner-type jeep nagdiretso sa talamnan sa Leganes

ILOILO—Pilason ang driver sang owner-type jeep sang naglapaw sa gutter kag nagdiretso sa talamnan sa radial road sa Brgy. San Vicente, Leganes, las-3:20 kaina sang kaagahon.

Suno kay Patrolman Jomar Nerios, imbestigador sang Leganes Municipal Police Station, halin sa pistahan sa Calaboa, Leganes and driver kag pauli na sa ila puluy-an sa Lapayon sang gulpi lang siya napiyungan kag nadulaan sang control sa ginamaneho nga owner jeep.

Gin-ako man sang driver nga naka-inom siya suno sa pulis.

Nagakaya-on ang owner jeep sang naabutan sang Leganes police pero nakaguwa na ang driver sang salakyan.

Nagpamalibad naman ang driver nga dal-on sa ospital.