P1.9 million nga balor sang suspected shabu na-recover sa buy bust operation sa Jaro

ILOILO CITY — Naglab-ut sa P1,904,000 nga balor sang suspected shabu ang na-recover sa lima ka mga indibidwal sa drug bust operation sa Brgy. Lanit, Jaro pasado las-2:00 kaina sang kaagahon.

Nabaklan sang isa ka sachet sang suspected shabu ang main subject nga ginkilala kay alyas Jenel sa balor nga P13,000.

Sa operasyon sang Regional Police Drug Enforcement Unit 6, na-recover ang suspected shabu nga nagabug-at sang 280 grams.

Suno kay Police Captain Glen Soliman, i-verify pa nila kun may mga kaso sang una ang mga nagkaladakpan.