2 dakup isa nakapalagyo sa drug buy bust operation sa City Proper
ILOILO— Duha ang nadakpan samtang isa ang nakapalagyo sa drug buy bust operation sa Brgy. Zamora-Melliza, City Proper kahapon, Pebrero 13.
Sa operasyon sang City Proper Station Drug Enforcement Team (SDET), nakapalagyo ang subject nga si Joevan Abada, 40-anyos nga High Value Individual (HVI).
Nadakpan naman ang utod sang suspect nga si Joemarie, 21-anyos, kag si Valentin Jaluab, 35-anyos nga lunsay mga HVI nga residente sang amo man nga barangay.
Suno kay Police Captain Roque Gemino III sang City Proper Police Station, sa amo man nga barangay nagakuha sang supply sang illegal drugs ang tatlo.
Na-recover sang police ang 12 ka sachets sang suspected nga nagabug-at sang 55 grams sang suspected shabu nga may standard drug price nga P374, 000.
Padayon pa nga ginapangita sang police ang subject nga nakapalagyo.
