4 ka mangingisda gindakup tungod sa dynamite fishing sa Concepcion, Iloilo

ILOILO — Na-aktuhan sang Provincial Bantay Dagat Task Force nga nagagamit sang dinamita sa pagpangisda ang apat ka mga manugpangisda sa Bukot Island, Brgy. Taloto-an, Concepion.

Na-recover sang task force ang mga paraphernalia pareho sang shafting, propeller, rudder, air compressor, anom ka mga improvised clippers, tatlo ka scope net, kag fish finder.

Nakuha man sang task force ang 20 kilos sang nagkalain-lain nga isda nga gingamitan sang dinamita nga nagabalor sang P3,000.

Pasakaan sang Bantay Dagat Task Force ang mga nadakpan sang paglapas sa Republic Act 8550 [The Philippine Fisheries Code, as amended by Republic Act 10654].

Nagpasalamat naman si Governor Arthur Defensor, Jr. sa Provincial Bantay Dagat Task Force sa padayon nga pagbantay agud maproteksyonan ang kadagatan sang probinsya batuk sa illegal fishing.