Tatlo lakip ang 2 ka menor-de-edad dakup sa drug buy bust operation sa Passi City

ILOILO — Nadakpan ang tatlo lakip ang duha ka mga menor-de-edad sa drug buy bust operation sa Brgy. Man-it, Passi City kagab-i.

Suno kay Police Lt. Colonel Benjo Perete, hepe sang Passi City Police Station, nakabaton sila sang impormasyon nga may mga menor nga naga-engage sa illegal drugs rason nga naghimo sila sang monitoring kag operation.

Naga-edad ang duha ka menor sang 16-anyos, samtang isa ang naga-edad sang 19-anyos.

Nakuha sag mga nadakpan ang lima ka plastic sachets sang suspected shabu suno kay Perete.

Nagapati si Perete nga may personalidad sa siyudad nga nagagamit sa mga menor-de-edad sa illegal drug transaction kag padayon nila ini nga gina-imbestigaran.

Gin-refer sang Passi City police sa DSWD ang duha ka menor, samtang gin-detain naman ang 19-anyos.