Former Cong. Rolex Suplico mapadalagan sa pagka-Board Member sa Iloilo sa 2025 midterm elections
Kumpirmado na nga mapapili bilang Board Member sang Quinto Distrito si former Congressman, Atty. Rolex Suplico, sa 2025 midterm elections.
Suno kay Suplico, nakadesisyon na siya pagkatapos niya ginkonsulta ang iya mga supporters kag mga leaders.
Ginpabutyag sang anay kongresista nga nahibal-an niya naman kun sanday sin-o ang mga mapili sa Quinto Distrito tungod mga paryente niya man ang iban sa ila apang ginpakamaayo niya nga wala sang updan nga kandidato.
Gin-athag ni Suplico nga mapapili siya bilang independent candidate tungod indi niya luyag nga mabudlayan ukon mabutang sa tunga-tunga ang iya mga supporters.
Pila sa mga ginkonsiderar ni Suplico sa pagpapili amo ang iya qualifications tungod wala sang iban nga abogado suno sa iya nga mapadalagan.
Lakip man diri ang iya track record sa pulitika kag ang mga programa kag proyekto niya nga napatuman kag luyag ipadayon kasubong sang scholarship program, libre nga school supplies, bakuna, kag circumcision, kag ang mga karsada nga iya napahuman.
