Babaye nasapwan nga patay kag nagabura ang baba sa sulod asng bathhouse sa City Proper

ILOILO CITY — Patay na sang nasapwan sa sulod sang bathhouse ang 51-anyos nga babaye sa Rizal Pala-Pala II, City Proper kagab-i, Marso 23.

Ginkilala ang babaye kay Rosana Dumalag nga taga- Calaparan, Arevalo.

Suno kay alyas Panoy, isa sa mga nagabantay sang bathhouse, pasado las-7 sang gab-i nagsulod ang babaye sa bathhouse.

Makaligad ang 30 minutos, gintuktok ni Panoy ang cubicle pero wala sang may nagsabat rason ginbuksan nila kag nakita ang babaye nga nagahiligdaon sa salog, nagabukal ang baba kag wala na nagaginhawa.

Ginpahibalo niya si Punong Barangay Judy Navales kag nagtawag sang police agud marespondehan ang babaye.

Suno sa bata ni Rosana, wala man sang balatian ang iya iloy kag wala man sang problema sa ila pamilya.

Nagabantay sa ila pwesto sa likod sang Iloilo Terminal Market ang ila iloy.

Wala sang panapton ang babaye sang nakita, suno sa iya.

Nag-abot na ang SOCO sa lugar agud mag-imbestigar sang natabo sa babaye.