Manghod ginlabu sang iya magulang sa Dumangas

ILOILO— Yara na sa estable ang kondisyon sang manghod nga ginlabu sang iya nga magulang sa Brgy Bantud Fabrica, Dumangas sang Marso 31 sang gab-i.

Suno kay Police Staff Sergeant John Mark Tuazon, imbestigador sang Dumangas Municipal Police Station, antes natabo ang insidente, naka-inum ang 33-anyos nga manghod kag nagkadto sa balay sang iya magulang pero wala sang tawo.

Ginlabo sang manghod ang balay sang iya magulang sa diin nagkalaguba ang birha kag haligi, suno sa police.

Pagkatapos sini, nagpahuway ang manghod sa payag sa kilid sang baboyan nga iya man gina-atipan 30 metros ang kalayuon sa balay sang iya magulang. Ginkadtuan naman siya sang magulang, ginpukaw kag ginkompronta, suno sa police.

Sa imbestigasyon, nagsabtanay ang mag-utod tubtob ginlabo sang magulang ang manghod nga naigo sa tuo nga parte sang liug, kilid, paa, kag likod.

Nagapaayo subong ang biktima sa ospital sa Iloilo City.

Samtang nag-surrender naman ang magulang sa police.