39 ka modified mufflers nakumpiskar sang Traffic Management Unit

ILOILO CITY — 39 ka modified mufflers ang nakumpiskar sang Iloilo City Traffic Management Unit humalin Marso 23 tubtob Abril 3.

Suno kay Retired Colonel Uldarico Garbanzos, duha lang ka unit ang decibel meter sang TMU nga ginagamit sa ila joint operation kaupod ang Iloilo City Police Office.

Wala pa sang kaugalingon nga decibel meter ang kapulisan suno pa kay Garbanzos.

Ginahulat pa nila nga mahatagan ang tanan nga police stations sa siyudad para mas malapad ang ma-operate nga areas.

Miyerkules sang aga sang nagpaguwa sang direktiba si City Mayor Jerry Treñas nga nagadeklarar sang “gyera” kontra sa mga magahod nga tambutso sang salakyan.