2 patay, 1 pilason sang nagbungguanay ang 2 ka motorsiklo sa Tigbauan

ILOILO — Dead-on-arrival sang gindala sa Rep. Pedro G. Trono Memorial Hospital ang duha ka driver sang motorsiklo sang nagbungguanay sa Brgy. Barroc, Tigbauan las-9:50 kagab-i, Abril 16.

Suno kay Police Master Sergeant Amy Gerline Acevedo, imbestigador sang Tigbauan police station, papuli na sa Tigbauan ang Kawasaki nga motorsiklo samtang pakadto naman sa siyudad ang Honda TMX nga motorsiklo.

Sa imbestigasyon sang police, pareho nga nag-overtake ang Kawasaki kag Honda TMX nga motor sa mga ginasundan nga salakyan rason nga nag-head on collision.

Kritikal ang naga-angkas sa Honda TMX nga gindala sa ospital sa siyudad.

Nakasuksok sang helmet ang driver nga papuli sa Tigbauan pero ginpahayag sang police nga sub-standard rason nga wala naka-protekta sa iya.