Balay, 2 ka salakyan nasunog sa Buenavista, Guimaras

Totally damaged ang balay nga human sa light materials sang nasunog sa Purok 4, Brgy. McLain, Buenavista la-1:30 kahapon sang hapon, Abril 16.

Suno kay SFO3 Samuel Bautista, Acting Municipal Fire Marshal sang Buenavista Fire Station, lakip sa nasunog ang motorsiklo nga naka-park malapit sa kusina kag owner-type jeep nga yara sa guwa sang balay.

Wala ang tagbalay sang natabo ang insidente pero may mga kasilingan nga nakakita sang pagkasunog sang balay.

Base sa initial nga imbestigasyon, nag-umpisa ang kalayo sa kwarto sang balay, kag madasig nga naglapta.

P225,000 ang ginbilin nga kahalitanan sang sunog.

Gindeklarar nga fire out la-1:48 sang hapon. — via Aksyon Farrah Mae Morano