Magpakaduha patay sang nakabunggo ang ginasakyan nga awto sa pader sa Banate

ILOILO— Patay ang magpakaduha sang nakabunggo ang ginasakyan nga awto sa pader sa Brgy. Alacaygan, Banate las 12:40 kahapon sang kaagahon, Abril 17.

Suno kay Police Senior Master Sergeant Hizron Baterbonia, imbestigador sang Banate Municipal Police Station, papuli na kuntani halin sa esplanade sa Poblacion ang driver nga si Neri Calaor, 22-anyos kag iya pasahero nga si Junrell Bajade 23-anyos sang naaksidente.

Sa imbestigasyon sang police, paglab-ut sang duha sa kurbada nga porsyon sang karsada naga-amat amat pahigad ang awto tungod sang madasig nga pagpadalagan.

Posible ginapanan-aw sang driver nga maglapaw sa karsada kag magdiretso sa sari-sari store sa tuo gani ginwahig niya pa-wala pero nagdiretso kag nakabunggo sa pader tungod wala na nakontrol ang manibela.

Nag-awas pa sa bintana ang pasahero suno sa police kag naipit naman ang driver sang sa sulod sang awto.

Gindala pa sa ospital ang duha pero gindeklarar mga dead-on-arrival. — via Aksyon Farrah Mae Morano