Paghiwat sang programa, aktibidad sa Bingawan ginadumilian halin 9am tubtob 4pm tungod sang tuman ka init nga tiempo

ILOILO — Ginadumilian sa Bingawan ang paghiwat sang mga programa halin las 9 sa aga tubtob las 4 sa hapon samtang ginapaidalum sa state of calamity ang banwa.

Tungod ini sang mataas nga heat index dala sang nagapadayon nga el niño phenomenon.  

Base sa Executive Order 22 series of 2024 ni Bingawan Mayor Matt Palabrica, kinahanglan nga mag-apply sang permit sa Municipal Disaster Risk Reduction and Management Office ukon MDRRMO kag pa-aprubahan sa alkalde antes maghiwat sang ano man nga aktibidad sa amo nga oras.  

Exempted naman sa EO ang mga nagahiwat sang aktibidad sa mga “well ventilated area” ukon air conditioned rooms.       

Madumduman nga nagdeklarar sang state of calamity ang Bingawan tungod sang kakulang sang supply sang tubig. — via Aksyon Cedrick Anona