11 ka balay nasunog sa Ingore, La Paz

ILOILO CITY — 11 ka mga balay ang nasunog sa relocation site sa Ingore, La Paz kahapon, Abril 30.

Suno kay Fire Officer 2 Earl Anthony Darroca, imbestigador sang Iloilo City Fire Station, siyam ka mga balay ang totally damaged samtang duha ka balay ang partially damaged.

Wala pa nahibalaun kun diin nag-umpisa ang kalayo, suno kay Darroca.

Ginpahayag ni tanod commander Dodong Montelijao nga posible nag-umpisa ang sunog sa balay nga nahamtang sa likod nga porsyon kag madasig nga naglaton sa kaiping nga mga balay tungod sang mabaskog nga hangin. Ginabanta sa P140,000 ang balor sang kahalitanan sang sunog.

Gindeklarar fireout las-4:26 sa hapon. — via Aksyon Farrah Mae Morano