“I will not force it” — Iloilo City Mayor Jerry Treñas sa pagsumpa sang iya bata nga si Raisa Treñas-Chu sa Partido Federal ng Pilipinas

Indi pag-ipilit ni Iloilo City Mayor Jerry Treñas kun alang-alang nga makasulod sa Partido Federal ng Pilipinas (PFP) ang iya bata nga si Raisa Treñas-Chu.

Suno sa alkalde, makapila ka beses naman sila nga nag-istoryahanay ni Iloilo Governor Arthur Defensor, Jr. kag nagpasalig man ang gobernador nga madayon ang pagsumpa ni Raisa sa PFP kag ginahulat na lang ang schedule.

Ginpabutyag ni Mayor Treñas nga madugay naman siya sa pulitika gani istoryahon niya liwat ang gobernador.

Madamo pa man suno sa iya sang iban nga partido nga mahimo sudlan sang iya bata.

“I will have to talk to him again if there will be issues. If there will be issues, I will not force it,” ang pahayag sang alkalde.

Una na ginpahayag ni Mayor Treñas nga may “daw manginmatay” agud indi makasulod sa PFP ang iya bata.

Gin-anunsyar sang alkalde nga mapadalagan sa pagka-kongresista sa siyudad sang Iloilo ang iya bata sa 2025 midterm elections. — via Aksyon Justice Savannah Pamplona