Iloilo City magakinahanglan sang 400 tubtob 500 ka Dita tree seedlings agud maislan ang mga royal palm sa Diversion Road, Mandurriao
ILOILO CITY — 400 tubtob 500 ka Dita tree seedlings ang kinahanglan sang syudad agud maislan ang royal palm trees sa center island sa Diversion Road, Mandurriao.
Suno kay Engr. Neil Ravena, head sang Task Force Beautification kag General Services Office, Dita nga native tree ang ginrekomendar sang landscape architect sang syudad tungod mahimo pasilungan ang dahon kag wala nagakaguba ang semento sa ugat sini.
May 128 ka Dita seedlings na ang syudad.
Pataason man ang center islands agud mas madalum ang pagtanum sang kahoy. — via Justice Savvanah Pamplona
