3 ka kaso ipasaka ni Iloilo City Mayor Jerry Treñas vs PICAO Head Nerio Lujan
Tatlo ka separado nga kaso ang ipasaka ni Iloilo City Mayor Jerry Treñas batok kay Iloilo Provincial Information and Community Affairs Office (PICAO) Head Nereo Lujan.
Sa regular press conference sang alkalde, iya ginpabutyag nga mapasaka siya sang multiple counts sang cyberlibel, civil damages, kag administrative case sa Civil Service Commission.
“Sobra na,” suno na suno sa alkalde ang ginhimo ni Lujan.
I-file sang alkalde ang kaso antes magtakup ang subong nga semana.
Una na nga ginpabutyag ni Mayor Treñas nga ginayaguta ni Lujan ang iya pamilya sa iya mga Facebook posts ilabe na sa issue sa pag-demolish sang façade sang Iloilo Central Market. Nagpa-athag naman si Lujan nga “transparency” sa mga dokumento ang iya ginapanawagan sa administrasyon ni Mayor Treñas kag indi ang pagpangyaguta sa pamilya sang alkalde. — via Aksyon Justice Savannah Pamplona