Anay preso dakop sa drug buy bust operation sa Jaro

ILOILO CITY — Balik presuhan ang 45-anyos nga lalaki sang nadakpan sa drug buy bust operation sa Brgy. Cuartero, Jaro kahapon, Mayo 21.

Ginkilala ang nadakpan kay alyas Maymay nga residente sang amo man nga lugar.

Suno kay Police Lt. Nick Gallego, team leader sang City Drug Enforcement Unit sang Iloilo City Police Office, na-monitor ang pagbaligya ni Maymay sang illegal drugs gani gin-operate sang police.

Ang subject ang nagadul-ong sang illegal drugs nga naga-commute kag nagasakay kun kaisa sa iya bisikleta, suno sa police.

Base sa record suno sa police, nakaagi na preso sa kaso may kaangtanan sa illegal drugs ang subject sang 2016 kag nakaguwa sang 2018 tungod sa plea bargaining agreement.

Nakuhaan ang subject sang 15 ka sachets sang suspected shabu nga nagabug-at sang 70 grams kag may standard drug price nga P476,000. — via Aksyon Farrah Mae Morano