Alexie Brooks ginkoronahan nga Miss Eco International Philippines 2025 sa bag-o lang natapos nga Miss Universe Ph 2024
Gin-anunsyar sang Miss Universe Philippines organization nga si Alexie Mae Caimoso Brooks ang Miss Eco International Philippines 2025.
Samtang si Ahtisa Manalo sang Quezon Province ang ginkoronahan nga Miss Cosmo Philippines 2024; Tarah Valencia sang Baguio ang Miss Supranational Philippines 2024, kag Cyrille Payumo sang Pampanga ang Miss Charm Philippines 2024.
Maga-compete si Brooks sa Miss Eco International sa Egypt sa masunod nga tuig.
Ginkoronahan nga Miss Universe Philippines 2024 si Chelsea Manalo sang Bulacan.
Ginhimo ang announcement sa iban pa nga korona pagkatapos nga ginkoronahan ang Top 5 kag wala ini nadala sa live sang Empire Philippines YouTube channel.
Ginkoronahan nga Miss Universe Philippines si Chelsea Manalo sang Bulacan; First runner-up si Stacey Gabriel sang Cainta; 2nd runner-up si Ahtisa Manalo sang Quezon Province; 3rd runner-up si Tarah Mae Valencia sang Baguio; kag 4th runner-up si Christi Lyn McGarry sang Taguig.
