100 ka 4Ps members sa Pakiad, Oton benepisaryo sang Operation Tulong sang Aksyon Radyo Iloilo, MBC Media Group kag Unilab

ILOILO — One hundred ka mga miyembro sang pantawid pamilyang Pilipino program ukon 4Ps sa barangay pakiad, oton ang nangin benipisaryo sang monthly Operation Tulong sang Aksyon Radyo Iloilo, MBC Media Group kag Unilab kaina sang aga.

Ginkalipay sang mga napilian nga 4Ps beneficiaries ang libre nga snacks kag nabaton nga food packs halin sa estasyunan. May ginhiwat man nga lecture sa iwas dengue para sa palaabuton nga tig-ululan.

Nalingaw man ang mga benipisaryo sa Pahampang sa Roleta sa diin pila sa ila ang nagdaug sang cash kag Aksyon Radyo Iloilo merchandise items.       

Nagdonar man ang estasyunan sang mga kapote, butas, payong kag trash bins para sa barangay.

Ginpahayag ni barangay kagawad Ana Mae Lopez nga daku gid nga bulig sa mga 4Ps beneficiaries ang nabaton nga food packs halin sa estasyunan.