Habal-habal driver dakop sa drug buy bust operation sa Bingawan

ILOILO — Nakuhaan sang lima ka sachets sang suspected shabu ang habal-habal driver sa gin-conduct nga drug buy bust sa Barangay Guinhulacan, Bingawan kagab-i.

Suno kay Police Captain Jojo Octavo, chief of police sang Bingawan Police Station, ginabanta sa 15 ka gramo sang illegal drugs ang na-recover sa subject nga si alyas Buknoy, tumandok sang Matag-ub, Janiuay apang nakapangasawa sa Bingawan.

May market value nga P104,000 ang mga na-recover nga suspected shabu.

Na-monitor sang Bingawan police ang subject makaligad nakabaton sang impormasyon nga naga-engage siya sa illegal drugs.

Nagpamalibad na nga magpa-interview ang subject nga preso subong sa Bingawan Police Station. — via ARI correspondent Joel Jocson